اللبنة المدحربة .من تراث الريف السوري
الاخوات والاخوة كانت قبل كل دار فيها بقره او بقرتين ولا اكم راس حلال غنم يحلبوهن ويخضوا الحليب ويعملوا منهن الكثي والسمن والكشك واللبنه المدحبره مونه لكل السنه ومن ضمن هاي المونه هي اللبنه المدحبره كان هناك نوعان للبنه المدحبره لبنه بخاثر يقولولها بخيرها ولبنه بالشنينه بعد ما يطلعوا الزبده منها بحطوها بالكيس حتى تصفي المي اللي فيها ويضل بس اللبن الصافي وبعدين بحطنوا بمعجن كبير وبدعجن اللبن الصافي بضيفن عليه ملح مشان يحافض على مكونه وبعد الدعج بعملنوا كرات صغيره على شاش ابيض نضيف وبس يخلصن بحطنوا بقطراميزات كانت تطلع زجاج وبضيفن عليه زيت الاصلي ساغ وبسكرن بابوا وبضل مونه للسنه كلها اليوم بهالاوضاع الصعبه الله المستعان بحطن عليه زيت اونه نباتي هاي اذا قدروا يعملوا مونه ربي يفرجها ويفك عسيرها عالجميع .
