اللي صار بفيسبوك هو نتيجة لمسح سجلات لبروتوكول اسمو (BGP) بالشركة و هاد البروتوكول هو المسؤول عن تبادل البيانات بين الاجهزة و الانظمة .
اللي صار بفيسبوك هو نتيجة لمسح سجلات لبروتوكول اسمو (BGP) بالشركة و هاد البروتوكول هو المسؤول عن تبادل البيانات بين الاجهزة و الانظمة .
.. يعني انت لما بدك تفوت على موقع رح تطلب العنوان تبعو بالمتصفح و بعدين المتصفح رح يفسر اسمو لهاد الموقع و يوجهك لعندو عن طريق ال IP لتقدر تفوت عليه بسهولة
متل ازا بدك تدق لحدا مكالمة انت رح تدور على اسمو بجهات الاتصال بجهازك بس تحت الاسم تبع الشخص ( اللي رح نشبهو باسم الموقع ) بيكون في رقم موبايلو ( اللي رح نشبهو بال IP ) لان الشركة ما رح تقدر توصلك بمكالمة للشخص عن طريق اسمو فقط ... لازم يكون في معرف فريد و وحيد لهالشخص اللي بدك تدقلو و هو رقم موبايلو ... ازا فات حدا على جهات الاتصال اللي عندك واحد واحد و مسحلك الرقم تبع الشخص و تركلك اسمو بس ... ازا جيت لتعمل معو مكالمة و كبست عالاسم و كبست اتصال , رح يتصل شي ؟
طبعا لا ... لان الاسم انت حاطو لتعرف مين صاحب الرقم بس ازا ما في رقم من الاساس ما بقا يفيدك الاسم بشي !!
و هاد اللي صار تماما اليوم متل حدا فات و مسح كل السجلات و كانت النتيجة حالة الضياع اللي استمرت ساعات ... مو معروف لسا اذا هالحركة مقصودة و بفعل فاعل او هيي نتيجة خطأ تقني
حتى موظفين الشركة نفسهن فاتو بحالة ضياع لان الانظمة الداخلية عندهن تعطلت كمان و في منهن ما بقا يقدر يفوت على مكتبو لان نظام الامان تبع بطاقات الدخول عالابواب تعطل
طيب ليش هالمرة تأخر الفريق التقني بتصليح المشكلة ؟
لان الاتصالات انقطعت بينهن تماما و ما بقا قادرين يعالجو الموضوع عن بعد متل كل مرة و كانو بحاجة ليكونو موجودين فعلا بشكل شخصي بالمكان اللي موجود فيه العطل
اللي صار اليوم هو كارثة أثبتت قديش مواقع التواصل الاجتماعي متغلغلة بحياة الجميع
تعليقات
إرسال تعليق